![](https://blogger.googleusercontent.com/img/b/R29vZ2xl/AVvXsEjaJpFL-rFrdVkNQbv0XVOkjUBotbPvvZdqomMa1Ayyy0-9pySPxrFUpvRtudzFFy_Qkbor7fToIKfLIg7NwDt2X8WgCbOW0NOkJ9FcBaraU7LHBVYmzj9Q5imIeqBCvz05TTq_52urKPs/s1600/bhupi+2_final.jpg)
साँघुरो घैटोभित्र माटो जमाएर
उमारिएको वटवृक्षझै
मैले आफ्ना दुइटा हाँगाहरु फैलाएँ
र म ओइलाएँ
आफ्नो वरिपरि निस्सासिदो पर्खाल पाएर
अनि मैले मुक्त वायुमा सास फेर्न ठिङ्ग उभिएका
आफ्ना पाँच ओटा औंलाहरु पट्याएँ
प्रकाशनको खोजीमा दगुरेका
आफ्ना हस्तरेखाहरुलाई पछाडि फर्र्काएँ
र आज म आफ्नै मुट्ठीभित्र बन्द छु
आफ्नै कठोरताभित्र कैद छु
तर कुनै दिन
तिमीले चिन्न सके आफुभित्रको बतासलाई
र प्रकाशलाई तिमीले
जान्नेछौ कि बाहिरबाट जतिसुकै
कठोर भए पनि भित्र–भित्रै
म कोमल छु
यो बन्द मुट्ठीभित्र हत्केलाझैँ !