हामी
![](https://blogger.googleusercontent.com/img/b/R29vZ2xl/AVvXsEjYweMilS3bP15BkCg-HBuaca80yA9urP18N2lvA9P4u1vWnHbFbuvLwLqnXQHfXHyEDoEIyo7XKxKHvvKZBtDZQqgNGPPeKKJzo-tO_1rz1IqdQo_wqaAAFDjuIzy8XvhlHDoPeC9Nqh8/s1600/bhupi+2.jpg)
हामी जतिसुकै माथि उठौं,
जतिसुकै यताउति दगुरौं,
जतिसुकै ठूलो स्वरमा गर्जौं
तर, हामी फगत् पानीको थोपा हौं
पानीका निर्बलिया थोपा
जो सूर्यद्वारा माथि उचालिन्छौं
र बादल बन्छौं,
हावाको इशारामा यताउति दगुर्छौं
र आफुलाई गतिशील भन्ठान्छौं,
अनि एकचोटि माथि पुगेपछि
हामी आफ्नो धरतीलाई बिर्सन्छौं
र आफ्नो धरतीलाई
खोलालाई
बगरलाई उपेक्षापूर्वक
पालिएका कुकुर
झ्यालबाट गल्लीका कुकुरहरुलाई हेरेर भुके झैं
हामी भुक्तछौं