छाँयाका सपनाहरु (कविता)

छाँयाका सपनाहरु

छाँयाका सपनाहरु,
रात परे पछि,
धुमिलिदै जान्छन,
क्यानभाषबाट,
चित्र हराए जस्तै हुन्छ,
तर मन छाँयाका सपना जस्तै छ,
छाँयाका सपना जस्तै हुन खोज्छ |

कम्प्युटरको सट डाउन बटनसंगै,
रयामहरु आफ्नो मस्तिष्कका पानाहरु,
मेट्न व्यस्त हुन्छन,
रात परेपछिको,
छाँयाका सपनाहरु जस्तै हुन खोज्छन,
केही मक्किएका रहरहरु,
डायरीका च्यातिएका पानाहरु,
बन्द कम्प्युटरका रयाम जस्तै हुन्छन |


छाँयाका सपनाहरु
बिहान जोसमा जग्मगाउछन्
दिनभरी टुइटरमा बादबिवाद गर्छन
साँझ ढल्दै जाँदा,
रक्सिको नशामा लठ्ठीदै जान्छन,
तिनका उद्देश्य,
उद्देश्य बिहिन हुन्छन,
तिनका जोस,
जोस हिन हुन्छन,
विचारहरु अनियन्त्रित हुन्छन,
फगत एउटा दिन रित्तिसकेको हुन्छ,
छाँयाका सपनाहरु,
आफैमा सक्किसकेका हुन्छन,
चित्र उडेका क्यानभाष जस्तै,
बन्द कम्प्युटरका रयाम जस्तै,
अर्को महान दिनको प्रतिक्षामा,
घोर निन्द्राको रमाईरहेका हुन्छन |


अजय ढुंगाना
27/09/2012

Image source: http://article.wn.com/view/2012/06/24/Yanks_initiative_inspires_hope_and_glory/