मेरा सपनाहरु (कविता)

मेरा सपनाहरु

जब एक सपना,
उद्रिएर,
मनलाई छुन्छ,
मन हावामा तैरिएका,
प्वाँखहरुलाई,
टोलाएर हेर्छ,
तब लाग्छ,
तिमी कुनै एकछेउबाट,
मलाई जिस्काइरहेछेउ |

जब मन,
आगोको फिलिंगो भएर,
हावामा हराउदै,
शान्त, निश्चल,
कल्पनाको महासागरमा,
झ्वाम्म पौडन्छ,
तब लाग्छ,
तिमी फेरी कुनै एकछेउबाट,
मेरा सपनाहरुमा,
जिउन खोजिरहेछौ |

जब जिन्दगी,
आँखा चिम्लिएर,
ओछ्यानमा पल्टिएर,
निदाएर,
सपनाहरु देख्न छोड्छ,
तब लाग्छ,
सपनाहरु जीवित बनेका छन्,
सपनाहरुमा प्राण भरिएका छन्,
सपनाहरुले ओछ्यानमा ढल्किएर,
निदाउन दिदैनन,
अनि तिमी,
हत्केलाका रेखाहरु मेटेर,
नयाँ रेखा खोज्छौ,
जब तिमी,
कुनै एक्चुको कुनाबाट,
बाहिर निस्कदै,
मेरा अगाडि आएर,
सुन्दर भबिष्यको,
मार्ग चित्र प्रस्तुत गर्छौ,
मलाई लाग्छ,
मेरा उद्रिएक सपनाहरु,
जोडिदै छन्,
सपनाहरु सजिब हुदै छन्,
सपनाहरु जीवित हुदै छन् ||


अजय ढुंगाना 
२०६९/०९/०३ 
लण्डन 
Photo source: http://cute-pictures.blogspot.co.uk