गजल (१०४); अजय ढुंगाना

गजल

बर्षात नभएको रात कति नरमाइलो,

  छुट्टिदा तिमीसंगको साथ कति नरमाइलो,

खोज्दछु अस्थित्व यो धरातलमा हाम्रो प्रेमको,

नहुँदा प्रेमको सौगात कति नरमाइलो,

दुर छु तर दुरतामा तिमै्र मायाको आभाष,

नभेट्दा त्यो स्नेही हात कति नरमाइलो,

खोज्छन् नयनहरु यताउता मात्र तिमीलाई,

नसुन्दा त्यो मधुर वात कति नरमाइलो,

रात मात्र हुन्छ यहाँ हर क्षण मेरा लागि,

फर्केर नआउदा प्रभात कति नरमाइलो,

अजय ढुंगाना