गजल (११०); अजय ढुंगाना

गजल  

 १

सयौ खोला अरु पनि तर्नै पर्ने रैछ,

तिम्लाई पाउन कयौ दुःख गर्ने पर्ने रैछ,

२ 

के गढ़थ्यो र माया गाढा टाढा टाढा बस्दा,

तिम्रै घरको छेउमा डेरा सर्नै पर्ने रैछ,

३ 

समाजको बात लाग्ने आफन्त नि टाढा हुने,

माया हुन यस्तै दुःख पर्नै पर्ने रैछ,

४ 

के फल्थ्यो र माया मीठो, तिरस्कार र घृणामा,

समाजमा सस्कारको विउ राम्रो छर्नै पर्ने रैछ,

५ 

तिम्रो मीठो मायाको, जुनी भरी साथ पाउन,

नया रीतको माना पाथी भर्नै पर्ने रैछ |

अजय  ढुंगाना

१ फेब. २०११ 

लण्डन