गजल; राकेश कार्की

गजल

पिउँदिन भन्दा भन्दै अलिकति पिलाई दियौ

थपुँ थपुँ लाग्ने गरी यस्मा यो के मिलाई दियौ

अब दु:खेन यो छाती दु:खेन चित्तको घाउ नै

कस्तो नशा हो जादुको यो हृदय सिलाई दियौ

चाँद पनि हाँसे जस्तो तारा सबै नै नाचे जस्तो

मधुरो मैन बत्तीमा अति मजा दिलाई दियौ

छामुँ छामुँ लागी रह्यो खुशीहरु भेटिए जस्तो

सुस्त छुँदा औँला भित्रै स्पर्शमा बिलाई दियौ

राकेश कार्की

लस् एन्जेलस्