मैनबत्तीको शिखा (कविता); भूपी शेरचन

मैनबत्तीको शिखा

शुभ्र, शान्त र स्निग्ध
शिखा मैनबत्तीको ।
मानौं,
प्रथम रजस्वलापछि
स्नान गरेर
शारदीय घाममा
आफ्नो कौमार्य छरेर
थकित–थकित झैं
चकित–चकित झैं
एक्लै–एक्लै मुस्काइरहेको
अनुहार हो यो कुनै
सुन्दरी नवयुवतीको ।
शुभ्र, शान्त, स्निग्ध
शिखा मैनबत्तीको ।

एउटा नियती (कविता); अजय ढुंगाना

एउटा नियती


एउटा नियती
वदलियपछी,
वा नवदलियपछी,
मेरो विश्वास बदलिन्छ,
वदलिन्छ तिमी प्रतिको मेरो आस्था,
हर नियती पश्चात,
मेरो विश्वास बदलिन्छ |

हर नियती समस्या होइन,
हर नियतीसंग समाधान हुदैन,
त्यो त तिमी हौ,
समस्याको  अजङ्ग पहाड,
समाधानको मलिन आश,

दशैँ आयो, तिहार आउदैछ; अजय ढुंगाना

दशैँ आयो, तिहार आउदैछ

हट्यो सारा हिलो मैलो हरायो पानीको वर्षा

.........…...............….............................

पानीको वर्षा घटेर होस् वा हिलो मैलो हटेर होस्, दशैँ आएको भान भै-रहेछ मलाई यतिबेला | बर्षको मध्यमा पर्ने शरद ऋतु र मनोरम शरद ऋतुमा पर्ने यो महान पर्बले घरबाट टाढा रहदा खेरिको आत्मियताको अभाबलाई फेरी एकपटक महसुस गराएको छ | दशैँको फूलपातीका दिन परिवारसंग छुट्टिएर लण्डन उडे पछि परिवारसंग संगै दशैँ मनाउन नपाएको यो तेश्रो दशैँ हुनेछ | यो बिशेष महत्वको पर्ब, आफन्तलाई एक-साथ जुटाउने पर्ब, उत्साह र उमङ्गको पर्ब, मलाई यो पर्ब आउदाको समय नै निक्कै रमाइलो लाग्ने गर्थ्यो; सानै देखी |

काठमाडौँमा रहदाको चार पाँच बर्ष टिकाको केही दिन अगाडि मात्रै घर गइन्थ्यो; चाड बाडको समयमा गाडीको टिकट पाउन मुस्किल हुने हुनाले कहिले गाडीमा उभ्भिएर त कहिले माइक्रो बसमा कोच्चिएर | पाँच छ घण्टाको कहालीलाग्दो यात्रा र त्यसको थकान त्यो सबै भुलिन्थ्यो, दशैँमा घर पुगे पछी | दशैँमा घर पुग्दा यस्तो लाग्थ्यो घर मलाई पर्खेर बसिराखेको छ; मेरै प्रतीक्षामा छ; मेरै इन्तजारमा छ | बुबा आमा, छर छिमेक, गाउँ घरका साथी भाइ सबैसंगको फुर्सदिलो भेटघाटले सम्बन्धको आत्मियतालाई फेरी एकपटक नयाँ उचाईमा पुराउथ्यो; अनि रोजगारी र पढाईका लागि मुग्लान छिरेका दाजु भाइ दशैँका लागि क्रमश फर्किरहेका हुन्थे, ति मध्ये कसैसंग त बर्षौ पछि भेटघाट हुन्थ्यो |

शब्दको किनारैकिनार (कविता); अभि सुबेदी

शब्दको किनारैकिनार

राती
कति आँशु बगे
थाहा पाइनँ
बिहानको खोलाको स्वाँ ! सुनेपछि
वगेको मन झिक्न
हतारहतार शब्दको किनारैकिनार दौडेँ ।

अभि सुबेदी
Source: http://sanjaal.com/

गजल ११५, अजय ढुंगाना

गजल


मलाई भेट्न आउदा मनभरि मायाको आभाष लिई आउनु,
हिजोसंगै विताएको त्यही स्वर्णिम ईतिहाँस लिई आउनु |

तिमी आउने बाटो भरि बिछ्याईरहन्छु म मेरा नयनहरु,
हत्केलामा सुनगाभा अनि शिरमा लाली गुराँस लिई आउनु |

विस्तारै पाइला चालौंला हामी गन्तव्य टाढा भए पनि,
तर गन्तव्यमा पुगी छोड्ने अटल विश्वास लिई आउनु |

म (कविता); भूपी शेरचन

म

१. म एक पुत्र
एक पति
र एक पिता हुँ

२. एक न्वारान
एक विवाह
र एक चिता हुँ

३. म एक होटल
एक बोतल
र एक प्याला हुँ

४. म एक श्रम
एक उत्पादन
र एक ज्याला हुँ

एउटा नाटक बदलिएपछी (कविता); अजय ढुंगाना

एउटा नाटक बदलिएपछी


एउटा नाटक बदलिएपछी,
रंगमंचको इतिहास बदलियो,
रंगमंचको पर्दा बदलियो,
पात्रहरु बदलिए,
रंगमंच प्रतिको आस्था बदलियो,
विश्वास बदलियो,
हो! एउटा नाटक बदलिएपछी,
रंगमंचको इतिहास बदलियो |