जेपीटी कथा अंक १

जेपीटी कथा अंक १

चिकेन बारबीक्यु पिज्जा टोक्दै थिए, अकस्मात फोनको घन्टी बज्यो |

                   -----------------0-----------------------

कथाको सुत्रधार म नै हूँ र एउटा प्रमुख पात्र पनि, बीचबीचमा अड्मिल्दा कुरा गर्ने र अनपेक्षित गति लिन खोज्ने पनि मै हूँ |

                                   -----------------0-----------------------

ओहो!! फोन उठाउन ढिला भैसक्यो | स्टिभ जब्सको उत्पादनमा उनले ठिक ठानेको डिफल्ट धुन कोठा भरि बहकिदै थियो, फोन गर्नेका अंक नयाँ थिए | एकछिन है | अंकहरु नयाँ हुन सक्दैनन् कि भन्ने कुरा झट्ट माइन्डमा स्ट्राइक गर्यो | अंकहरु नयाँ त कसरि हुन सक्छन र नि, यी अंकहरु यही क्रममा फोनको कुनै कुनामा सुरक्षित गरिएका थिएनन त्यो बेग्लै कुरा, त्यति नहुदैमा ति अंकहरु नयाँ हुन सक्दैनन् नौला होलान बरु | सोच्दा सोच्दै त्यो डिफल्ट धुन टुंगियो, कोठामा पुरानै सन्नाटा छायो | तर त्यो केहि सेकेन्डका लागि मात्र थिए | फेरी उही अंकहरु त्यहि क्रमबद्दतामा दोहोरिएर देखा परे मोबाइलको स्क्रिनमा | यो पटक भने त्यो धुन सक्किनु भन्दा अघि नै फोन उठाए र भने "हेल्लो"

उताबाट आवाज आयो-"ओहो!! अजय, कति बेर लागेको फोन उठाउन ?"

उताबाट नामै किटेर प्रश्न तेर्सियो | तर आवाज चिनिहाले त्यो सक्षमको आवाज थियो |

Kathmandu Lullaby, Watch online

नेपालमा छायांकन गरिएको स्पेनिस चलचित्र, काठमाडौँ अनलाइनमा हेर्ने लिंक भेटे  त्यही सेयर गर्दै छु ब्लगमा आज :))

Short synopsis

Based on true life events, KATHMANDU LULLABY depicts an extraordinary journey of discovery, the story a young woman’s determination to make a difference, set against the vibrant slums and stunning landscapes of Kathmandu.

(from http://www.wildbunch.biz)

Kathmandu Lullaby : Laia, a young Catalan teacher, moves to Kathmandu in the early 90's, to volunteer in a local school.She will soon discover extreme poverty and a devastatingly bleak educational system that leaves out the most needy. 

Released: December 07, 2011

Genres: Drama

Countries: Spain

Director: Icíar Bollaín

Actors: Ferran Lahoz Lluïsa Castell Montserrat Alcoverro

(via 1channel.ch) 

गजल (केशवराज आमोदी)

किन हो मुटुको घाऊ दुख्छ घाम डुबेपछि

उज्यालो मनको आशा लुक्छ घाम डुबेपछि ।

चाहिँदैन मलाई क्यै भोग ऐश्वर्यका कुरा

पिरती रसिलो पाए पुग्छ घाम डुबेपछि ।

दिलमा प्रीतिको बाढी जति उर्ली बगे पनि

मृदु मिलनको गङ्गा सुक्छ घाम डुबेपछि ।

शृङ्गार काव्यको गर्छ जो विरोध सधैँ उही

प्रणयी-रसमा प्रायः डुब्छ घाम डुबेपछि ।

भट्टीको मोहमा ली बाटाभरी बरालिँदै

मनको भँवरो पापी घुम्छ घाम डुबेपछि ।

नाच-गान गरी रम्ने खोज्दै प्रण्य मन्दिर

आमोदी मनको मौजी पुग्छ घाम डुबेपछि ।

केशवराज आमोदी

माधवपुर चितवन

छन्दः अनुष्टुप

मेरा सपनाहरु (कविता)

मेरा सपनाहरु

जब एक सपना,
उद्रिएर,
मनलाई छुन्छ,
मन हावामा तैरिएका,
प्वाँखहरुलाई,
टोलाएर हेर्छ,
तब लाग्छ,
तिमी कुनै एकछेउबाट,
मलाई जिस्काइरहेछेउ |

जब मन,
आगोको फिलिंगो भएर,
हावामा हराउदै,
शान्त, निश्चल,
कल्पनाको महासागरमा,
झ्वाम्म पौडन्छ,
तब लाग्छ,
तिमी फेरी कुनै एकछेउबाट,
मेरा सपनाहरुमा,
जिउन खोजिरहेछौ |

सामाजिक संजाल, ब्लग र नेपाली युवा

सामाजिक संजाल, ब्लग र नेपाली युवा

(२४ मार्च २०१२का दिन लेखिएको र ब्लगको ड्राफ्टमा रहिरहेको पोष्ट )

केही दिन अगाडि सामाजिक संजालको एउटा मध्यम टुइटर प्रयोग गरि पत्रकार किशोर नेपालले एउटा बन्चरो प्रहार गरे | जसमा लेखिएको थियो, नेपालको सामाजिक संजालको कब्जा केटाकेटीहरुले गरेका छन् जो ढुंगे युगका मान्छे जस्ता छन् | उनको यी शब्दले पढ्ने जति सबैलाई झस्कायो | उनि स्वयम् पनि सामाजिक संजालका एउटा प्रयोगकर्ता हुन् र पनि उनले उक्त टुइट गर्नु अघि यो कुरो हेक्का नराखे जस्तै देखियो | त्यसैले उनलाई रातारात विरोधाभास पात्रका रुपमा तयार परियो, सामाजिक संजालमा | उनका बिगतका कार्यहरुको मुल्यांकन गरियो, मुल्धारे पत्रिकाले समात्न नसकेको सामाजिक संजालका गतिका बारेमा चर्चा भयो, त्यो साता पुरै सामाजिक संजालमा |

यो एउटा उदहारण मात्रै थियो, सामाजिक संजालमा हामी नेपालीको अवस्थाका बारेमा | सामाजिक संजालको प्रयोग कुन उदेश्यका लागि हुनुपर्छ, त्यो छुट्टै वहसको बिषय हो, आज त्यता तिर नलागौ | आजको बिषय सामाजिक संजालको एउटा प्लेटफर्म ब्लगमा केन्द्रित रहने कोशिस हुनेछ, नेपाली समाजमा यसको अभ्यास र नेपाली युवा बर्गको योगदानलाई नजिकबाट नियाल्ने प्रयास हुनेछ | किनकी नेपाली समाज ब्लगिंगको अभ्यासबाट अछुतो छैन, यहाँ हेरक बिषयका बारेमा ब्लगिंग गर्नेहरु भेटिन्छन | नेपाली समाजमा प्रबिधिमा नजिकबाट पहुच भएको वर्ग युवा वर्ग हो | हो, यही युवा वर्ग नै सबैभन्दा बढी होमिएको छ ब्लगिंगको दुनियामा, यही युवा वर्गले ब्लगलाई कुन रुपमा लिन्छ, आजको कुरोको चुरो त्यही हुनेछ | सामाजिक संजाल र ब्लगले हाम्रो समाजलाई कता तिर डोराउदै छ, के माथि किशोर नेपालको टुइटमा भनिए जस्तै सामाजिक संजाल नेपालको सन्दर्भमा कलिला बच्चाहरु वा उनकै शैलीमा ठेट्नाहरुले कब्जा गरेकै हुन् त? अनि के ति सामाजिक संजालका प्रयोगकर्ताहरु विचारहिन ढुंगे युगका आदि मानव जस्तै छन् त? यिनै प्रश्नका जवाफ खोज्ने कोशिस गर्नेछौ | सामाजिक संजालबाट पनि स्पेशिफिक हुदै ब्लगमा केन्द्रित हुदै यी चर्चाहरु गर्नेछौ | त्यसो त आज-भोलि ब्लगिंगलाई पनि मोर्डन र ट्रेडिसनल भनेर बिभाजन गर्ने गरेको पाइन्छ | मोर्डन ब्लगिंगले टुइटरमा लेखिने जस्तो माइक्रोब्लगिंग बुझाउछ, जुन एकदमै थोरै, एकदमै स्पेशिफिक र अति नै कन्सनट्रेट हुनुपर्छ भन्ने मान्यता राख्दछ | तर हामी भने यो लेखमा ट्रेडिसनल अर्थात् परम्परागत शैलीकै ब्लगिंगको दयारा भित्र रहेर कुरा गर्नेछौ, जसमा लेखाइको शंख्यात्मक बन्धन हुदैन र केही हदसम्म खुल्ला मानिन्छ, जसलाई फोटो, भिडियो र लेखाइले आकर्षक स्वरूप दिन सकिन्छ | एकै हरफमा भन्दा यो खुल्ला आकाशमा उडेको चंगा जस्तै हुन्छ, लेखमा उठाइएको बिषयले धागोको जस्तै काम अर्थात् लेखको दयारालाई नियन्त्रण गर्छ |

मिठो जिन्दगी (कविता)

मिठो जिन्दगी

म, पाहिला चल्न खोज्छु,
तिमी हिड्ने बाटो
भत्काउन तत्पर हुन्छौ,
म बैकल्पिक मार्ग खोज्छु,
तिमी मेरो गन्तव बदल्न खोज्छौ,
साँघुरा बाटाहरुको,
घुमाउर गल्छेडामा,
तिमी,एम्बुस थापेर,
मलाई तर्साउन खोज्छौ,
मलाई भगाउन खोज्छौ |

म तिमीबाट
जिन्दगीको एउटा पाठ सिक्छु,
सिक्ने कुरा कहिल्यै नसिद्धिने,
फेरी अर्को पाठ सिक्छु,
तिमी मेरो मौनता माथि
पट्यारलाग्दो राजनीति
थोपर्न खोज्छौ,
मेरो मौनतालाई,
तिमी समर्थन मान्छौ,
म हार्दीन,
तर तिमी,
आफुले मलाई जितेको मान्छौ |

फरक एंगल

पछिल्लो दुइ महिनामा लण्डन अन्डरग्राउण्ड (मेट्रो रेल) मा यात्राका दौरान खिचिएका तस्विरहरु,

१. बेलायतको पत्रिका इभिनिंग स्ट्यानडर्डमा ब्यानर न्युज बनेको नेपालको जहाज दुर्घटनाको खबर

रयानडम क्लिक

Random Click
रयानडम क्लिक 

Place: Hyde Park London and around
Camera used: Nokia N8

स्थान: हाइड पार्क लण्डन र वरिपरी
क्यामरा: नोकिया एन ८

आज अचानक (कविता)

आज अचानक

आज अचानक,
गाउँ सम्झिए,
घर छेउको नयाँ बाटो,
हिलोमा लत्रिएर भासिएको थियो,
छेउमा एउटा पारिजातको रुख,
चर्को घाममा उघिरहेको थियो,
अघिल्लो रात नै बोटबाट झरेका,
पारिजातका फूलहरु,
निधारमा हिलोका टिका लगाएका थिए,
छेउमा एउटा साइकल कुदेर गएको,
टायरको डोब बसेको थियो |

मनमा दृश्यहरु सजिब हुदै आए,
दृश्यहरु मनमा सास फेर्दै
दृश्यहरु मनमा एक सिक्बेन्समा थपिदै आए,
दृश्यहरु प्रष्ट प्रष्ट हुदै आए,
एच डी क्यामराको भिडियो जस्तै,
निराकार चिजहरु आकार लिदै आए |

गजल (राकेश कार्की)

गजल 

बादल झैँ उड्दाउड्दै किन फाटी गयौ
एकैछिन जुधाई चंगा किन काटी गयौ

पर्खी बसें उँही सधैं घडी हेरी हेरी
फर्किन्छु पक्कै भनि किन ढाँटी गयौ

छामी हेरेँ छाती मेरो अझै नै न्यानो
तडपाउने मुटु यस्तो किन साटी गयौ

Where are you? (a poem)

WHERE ARE YOU? 

On the period of,
dark midnight,
when it was difficult to found,
a single drop of light,
at that time, I woke up. 

The stars on the sky,
were watching me,
they were far away,
so I neglect them,
on the dark midnight,
I woke up. 

साउथ ह्याम्पटन र स्वानबिक यात्राको सम्झना

यात्राको क्रममा खिचिएका केही तस्विरहरु आजको ब्लगमा
 

छाँयाका सपनाहरु (कविता)

छाँयाका सपनाहरु

छाँयाका सपनाहरु,
रात परे पछि,
धुमिलिदै जान्छन,
क्यानभाषबाट,
चित्र हराए जस्तै हुन्छ,
तर मन छाँयाका सपना जस्तै छ,
छाँयाका सपना जस्तै हुन खोज्छ |

कम्प्युटरको सट डाउन बटनसंगै,
रयामहरु आफ्नो मस्तिष्कका पानाहरु,
मेट्न व्यस्त हुन्छन,
रात परेपछिको,
छाँयाका सपनाहरु जस्तै हुन खोज्छन,
केही मक्किएका रहरहरु,
डायरीका च्यातिएका पानाहरु,
बन्द कम्प्युटरका रयाम जस्तै हुन्छन |

मोति जयन्तिको अवसरमा एउटा गजल

गजल 

कस्तो अनौठो शुन्यता जीवनको,
बिराएछु बाटो कता जीवनको,

पर्खाई असजिलो, कमजोर मनमा,
सहदैछु कठोर व्यग्रता जीवनको,

मनको ज्वालाले पोल्दछ मुटु,
हुदैन किन शितलता जीवनको,

Fixture of Under 19 World Cup Cricket.

Fixture of Under 19 World Cup Cricket.

ICC Under 19 world cup is due to start in a week time in Australia. Nepal is one of the 16 country to participate in this tournament. This is the biggest tournament for the Age group of Nepalese Cricket. Nepal is in Group A with other strong tournament Favorites, like Australia and England. Team Ireland is also in Group A. Nepal will play its first match on 13th August against Australia. Moreover this match will be covered Live by Star Sports.

Nepalese, its time to cheer up for your country.  

Sat Aug 11 23:30 GMT (prev day) | 09:30 local 00:30 BST	1st Match, Group B - Afghanistan Under-19s v Pakistan Under-19s John Blanck Oval, Buderim	7 - 17° C
Sat Aug 11 23:30 GMT (prev day) | 09:30 local 00:30 BST	2nd Match, Group A - Australia Under-19s v England Under-19s Tony Ireland Stadium, Townsville	11 - 25° C
Sat Aug 11 23:30 GMT (prev day) | 09:30 local 00:30 BST	3rd Match, Group D - Bangladesh Under-19s v Sri Lanka Under-19s Allan Border Field, Brisbane	3 - 18° C
Sat Aug 11 23:30 GMT (prev day) | 09:30 local 00:30 BST	4th Match, Group C - Papua New Guinea Under-19s v Zimbabwe Under-19s Endeavour Park, Townsville	11 - 25° C
Sun Aug 12 23:30 GMT (prev day) | 09:30 local 00:30 BST	5th Match, Group D - Bangladesh Under-19s v South Africa Under-19s Allan Border Field, Brisbane	3 - 20° C
Sun Aug 12 23:30 GMT (prev day) | 09:30 local 00:30 BST	6th Match, Group A - England Under-19s v Ireland Under-19s Endeavour Park, Townsville	11 - 21° C
Sun Aug 12 23:30 GMT (prev day) | 09:30 local 00:30 BST	7th Match, Group C - India Under-19s v West Indies Under-19s Tony Ireland Stadium, Townsville	11 - 21° C
Sun Aug 12 23:30 GMT (prev day) | 09:30 local 00:30 BST	8th Match, Group B - New Zealand Under-19s v Scotland Under-19s John Blanck Oval, Buderim	7 - 19° C
Mon Aug 13 23:30 GMT (prev day) | 09:30 local 00:30 BST	9th Match, Group A - Australia Under-19s v Nepal Under-19s Tony Ireland Stadium, Townsville	N/A

Google's suggestion

Google's suggestion

When ever you open Google and start typing something these days Google shows something. Today, I feel crazy I start typing every single letters of english, and there were suggestions on Google, I picked the first suggestion and listed them here. And I tried to define what they want to mean.

Moreover, these searched were performed on www.google.co.uk in London UK on 5th August, 2012.

A – Argos (One of the largest catalogue shopping store in UK)

B – BBC (World's largest media house)

C – Currys (Electronic store)

D – Debenhams (Fashion Retail Store)

E – Ebay (World's leading C2C auction site)

F – Facebook (The most popular online social network)

G – Google (The internet search engine giant)

आकाश मौन छ | (कविता)

आकाश मौन छ |

आज
हिजो जस्तै,
अनि अस्ती जस्तै,
अनि सदियौ जस्तै,
आकाश मौन छ |

आजको चुपचाप,
कुनै घेराबन्दिको परिणाम होइन,
कुनै आन्दोलनको भाषा होइन,
यो आकाशको बिश्वास हो,
मान्छेहरु प्रति,
मान्छेहरु माथि |

मुटु हल्लिरहेछ,
रगत सिन्चिरहेछ,
श्वास निरन्तर,
ओहोर दोहर गरिरहेछ,
खुट्टा हिडीरहेछ,
आँखा दृश्यलाई
कैद गरिरहेछ,
हात हल्लिरहेछ
तैपनि मान्छे मरिरहेछन |

ओलिम्पिक इन लण्डन एण्ड मि

ओलिम्पिक इन लण्डन एण्ड मि

Olympic in London & me

आज भन्दा लगभग तिन बर्ष पहिले बेलायतको स्टुडेन्ट भिषा नेपालमा छरपष्ट हुदा अगष्ट महिनाको अन्तिम तिर हो क्यार त्यसतै एउटा स्टुडेन्ट भिषा मेरो हातमा परेको थियो त्यसको झन्डै एक महिना पछि दशैँको फूलपातीको अघिल्लो दिन बेलायतका लागि जेट इयरको जहाज चढ्नु अघि मेरो मनमा एउटा ख्याल आएको थियो, २०१२ को ओलम्पिक बेलायतमा हुनेछ म त्योसंग साक्ष्यात्कार हुनेछु | आज घडी घुमेर त्यो दिनको पूर्व सन्ध्यामा आइसकेको छ, म एक पटक बिगत फर्किएर हेर्ने कोशिस गर्दै छु | 

बेस्ट मिनिस्टर ब्रिजमा उभ्भिएर नदि पारी पट्टिको ब्रिटिस पार्लियामेन्ट हेरर म टोलाउदै बसिरहेको हुन्छु | यो बेलायतको सर्वाच्च शक्तिशाली संस्था, चाहे मलाई लण्डन ल्याई पुराउन होस् वा ओलम्पिकलाई लण्डन ल्याउन महत्वपूर्ण भूमिका खेलेको छ अझ भनौ प्रमुख भूमिका खेलेको छ | मलाई र ओलम्पिकलाई एउटै शहरमा ल्याएर जोडीदिएको छ | यो पार्लियामेन्टका निम्ति म महत्वहिन र ओलम्पिक सर्बाधिक महत्वको बिषय | समयले करिब करिब तिन बर्ष बितायो, मेरो लण्डन बसाईंको, यहाँ आइसके पछि मेरा निम्ति ओलम्पिक गौण कुरा भयो, प्राथमिकताको लिस्टमा अनेक थोक परे जागिर, कलेज, भिषा, एमबिए, पैसा, कोठा, आदि आदि | प्राथमिकताको लिस्ट पटक पटक चेन्ज भए | तर कहिल्यै ओलम्पिक आइपुगेन त्यो लिस्टमा | तर खोला पारीको पार्लियामेन्ट भवनमा ओलम्पिक प्रमुख मुद्धा बनेर बसिरह्यो, प्राथमिकताको बिषय भैरह्यो | खोला वारी र खोला पारी दुइ फरक उदेश्य उभिएका थिए, खोलाको दुइ किनारको भेट नहुने निश्चित प्राय थियो |

म चेसको गोट्टी होइन (कविता)

म चेसको गोट्टी होइन 

मेरा हर पाइला
तिम्रो एक कदम पछि
चाल्नुपर्ने होइन,
किनकी, म चेसको गोट्टी होइन |

तिम्रो नियोजित षड्यन्त्रको
एउटा पात्र, म होइन,
जो बिद्रोह र सत्ता कब्जा मन पराउछ,
जो अरुलाई निबस्त्र पार्नुमा,
आफ्नो विजय सम्झन्छ,
घोडाको सवार,
हात्तीका लावा लस्कर,
आफ्नो सपनामा सजाएर बस्छ,
म इतिहासले नमागेको,
रक्त क्रान्तिको नायक होइन
म तिमीले खेल्ने चेसको उट होइन |

पाँच हाइकुहरु

पाँच हाइकुहरु 

शिर्षक: जिन्दगी

1
त्यो मिठो धुन
सुनिदैन नि केही
मिठो मायाको |

2
घाम छाँयाको
मूल्य खोजिरहेछु
रोजी रोटीमा |

आदिकवि प्रति श्रदा-सुमन

आदिकवि प्रति श्रदा-सुमन

नेपाली भाषाका आदिकवि भानुभक्त आचार्यको आज परेको १९९ औ जन्म जयन्तिका अवसरमा आदिकवि प्रति हार्दिक श्रदा-सुमन ब्यक्त गदछौ | नेपाली भाषा र ब्याकरणको सम्रक्षण र सम्बर्दनमा लागि पर्नु हुने सम्पूर्णमा शुभकामना ब्यक्त गर्दछौ | नेपाली भाषाको रक्षा गरौ यो नेपाल र नेपालीको पहिचान हो |

अभिनव.कम परिवार 

के यत्तिकैमा प्रेम हुन्न र?? (कविता)

के यत्तिकैमा प्रेम हुन्न र??

तिमी बुझ्दिनौ,
मेरो आँखाको भाब,
म जान्दिन,
तिम्रो इशाराको भाषा,
के यत्तिकैमा प्रेम हुन्न र ??

आजकल
मेरो कविताका शब्दहरु,
आकाश छुनलाई उर्लिदैनन,
न त,
मन नै,
उत्साहको पहाड,
एक सासमा उक्लिन खोज्छ,
सायद तिम्रो मन पनि,
त्यस्तै छ होला
घडीको सुइ ढिलो घुमे जस्तो,
मध्याह्नको थकाई लामो लागे जस्तो,
लाटो पहाड र बेमत्लबी बादल झैँ,
निस्सार जिन्दगी,
हत्केलामा खोजे जस्तो,
झुटो झुटो
मन झुटो, संसार झुटो
तर के यत्तिकैमा प्रेम हुन्न र ?

अर्धनग्न सोचाइहरु (कविता)

अर्धनग्न सोचाइहरु

म

निशाकालिन प्रभातहरुमा,

चिसो बिस्तारमा,

सुतिरहदा,

पानीको एउटा बाछिटो,

मलाई जिस्काएर गयो,

एक चिम्टी हावा,

मलाई गिज्याएर गयो,

म चुपचाप,

आफ्नो नियतीमा हाँसीरहे |

म पर्खाई  हूँ कसैको,

म जिन्दगी  हूँ कसैको,

चुपचाप साझको एक प्याला  हूँ कसैको |

म कसैको ओठको,

मिठो मुस्कान पनि हुन सक्छु,

तितो गाली पनि हुन सक्छु, 

तैपनि रहर छैन मलाई,

कसैको चुरा फोर्ने,

कसैको टोपी झिक्ने,

कसैको सिन्दुर पुछ्ने,

कसैलाई बाचुन्जेल टुहुरो बनाउने |

नमिठो सपना (कथा)

नमिठो सपना (कथा)

परदेशको बसाईमा बिक्रम मेरो काममा परिचित मित्र थियो | उमेर २८-२९ बर्षको मात्रै भए पनि कपाल मज्जैले झरेकाले उ अलि उमेर खा'कै मान्छे जस्तो देखिन्थ्यो | होचो होचो तर हसिलो मुहारको उ पनि म जस्तै बिद्यार्थी भिषामा यहाँ आएको थियो | तर बिद्यार्थी भिषामा आएको भए पनि उसको एक मात्र उदेश्य पैसा कमाउनु थियो, त्यसैले एकदमै सस्तो एउटा कलेजमा भर्ना भएको थियो | उ फुर्सद भएमा मुस्किलले सेमेस्टरमा एक दिन कलेज जान्थ्यो तर परिक्षामा भने सधै सामेल हुन्थ्यो, अहिलेसम्म कति वटा बिषयमा उत्तिण भएको छ, उ स्वंमलाई थाहा थिएन | तैपनि एक हिसाबले उसले आफ्नो विदेश बसाईको उदेश्य तय गरेको थियो, पैसा कमाउनु |

एक दिन काममा अर्को एक जना नेपाली साथीबाट थाहा पाँए, बिक्रमको झन्डै एक डेढ महिना अगाडि छोरा भएको रहेछ | म पार्ट टाइम काम गर्थे, त्यसैले बिक्रमसंग मेरो भेट आक्कल झुक्कल मात्रै हुने गर्थ्यो, त्यसैले अन्तरंग कुराकानी पनि कहिल्यै हुन पाएको थिएन तर पनि बिक्रमकी श्रीमती यही छिन भन्ने त् मलाई पहिले नै थाहा थियो | यो खबर सुनेको भोलिपल्ट मैले बिक्रमलाई फोन गरे, उसलाई बधाई दिए, मलाई थाहा नदिएको भनेर रिसाए पनि र अन्त्यमा त्यसको केहि दिनपछि उसको छोरालाई हेर्न आउने बनेर प्रतिबद्धता जनाए | त्यसको एक साता पछि श्रीमती र म उसको घर जाने भयौ, गाडीमा झन्डै एक घण्टाको यात्रा पछि उसको घर पुगियो | म उसको घर पहिलो पटक गएको थिए | उसले दिएको पोस्ट कोड र घर नम्बरका आधारमा घर पत्ता लगाउन गाह्रो भएन | उसलाई भेटे, उसको श्रीमतीलाई पहिलो पटक भेटे अनि उसको घरको नब-आगन्तुक छोरालाई पनि, मेरी श्रीमतीसंग पनि उनीहरुको परिचय भयो | केही रमाइलो कुराकानी भयो | तर म आफै भित्र अचम्म लाग्दो कुरा के भयो भने, मैले बिक्रमकी श्रीमती अर्थात् उनको नाम रश्मि रहेछ, उनलाई कतै देखे जस्तो लाग्यो, तर कहिले कहाँ केही कुरा यकिन गर्न सकिन, त्यसैले उनलाई पनि केही कुरा सोधिन, हामी त्यहाँबाट त्यतिकै फर्कियौ, तर मनमा कुरा खेलीरह्यो कहाँ देखेको हूँ भनेर |

घैंटोभित्र वटवृक्ष (कविता) भूपी शेरचन

घैंटोभित्र वटवृक्ष

साँघुरो घैटोभित्र माटो जमाएर
उमारिएको वटवृक्षझै
मैले आफ्ना दुइटा हाँगाहरु फैलाएँ
र म ओइलाएँ
आफ्नो वरिपरि निस्सासिदो पर्खाल पाएर
अनि मैले मुक्त वायुमा सास फेर्न ठिङ्ग उभिएका
आफ्ना पाँच ओटा औंलाहरु पट्याएँ
प्रकाशनको खोजीमा दगुरेका
आफ्ना हस्तरेखाहरुलाई पछाडि फर्र्काएँ
र आज म आफ्नै मुट्ठीभित्र बन्द छु
आफ्नै कठोरताभित्र कैद छु
तर कुनै दिन
तिमीले चिन्न सके आफुभित्रको बतासलाई
र प्रकाशलाई तिमीले
जान्नेछौ कि बाहिरबाट जतिसुकै
कठोर भए पनि भित्र–भित्रै
म कोमल छु
यो बन्द मुट्ठीभित्र हत्केलाझैँ !

गजल (श्रीराज भण्डारी)

गजल

धेरै पछी भेट भयो फर्किएर हिन्यौ तिमी
अनायासै आँखा जुध्यो तर्किएर हिन्यौ तिमी


केही शब्द तिम्रो नजिक गई मैले बोले पनि
बिष लाग्यो मेरो शब्द झर्किएर हिन्यौ तिमी


पराईको सिन्दुर अनि हातभरी चुरा थिए
छुन खोजे तिमीलाई मर्किएर हिन्यौ तिमी


के थियो सपना? किन भुल्याउ प्रश्न गरे
कलीयुग हो यो भन्दै गर्किएर हिन्यौ तिमी

श्रीराज भण्डारी

remake in 16/06/2012
image: entertainmentnepal.net

संबिधानसभाको पतनसंगै जन्मिएको प्रश्न

संबिधानसभाको पतनसंगै जन्मिएको प्रश्न

अब के गर्ने? संबिधानसभाको पतनसंगै जन्मिएको प्रश्न हो यो | नेपालको राजनैतिक निकासका लागि अबको बाटो के त? हामी आम नेपालीको मनमा भएको कौतुहलता हो यो? देश कौतुहलताको अनौठो भुमरीमा फसेको छ, राजनैतिक अवस्था अत्यन्त तरल छ अर्थात् यो जुनसुकै रुप लिएर जुनसुकै दिशा तर्फ पनि बहन सक्छ भन्ने मेरो ठम्याई रहेको छ | यो ठम्याई कुनै आम नेपालीको ठम्याई भन्दा फरक ठम्याई होइन | प्रथमत: यो लेख अगाडि बढाउनु भन्दा अघि, म के कुरा स्पष्ट पार्न चहान्छु भने म राजनैतिक विश्लेषक होइन, न त त्यो हैसियत राख्छु नै | म एक आम नेपाली हूँ | राजनैतिक रुपले सचेत | कहिले काँही समय, भोगाई र अध्ययनले परिस्थितिको विश्लेषक बनाउछ, त्यसको पनि एउटा लिमिटेशन रहन जान्छ किनकी बस्तुत धेरै कुरामा म आफुलाई मेरो अध्ययनको कमि छ जस्तो महसुस हुन्छ अनि धेरै कुरामा जिन्दगी भोगाईको अनुभव पनि | तैपनि एक आम नेपालीको हैसियतमा मनमा उठेका परिस्थितिको विश्लेषण यो लेखमा गर्ने कोशिस रहेको छ |

आम गल्तिहरु:

Road map of Euro Cup 2012

युरोकप २०१२ को रोड म्याप

Road map of Euro Cup 2012

We apologizes for the error on the post (picture) that was published under this heading, it has been removed and the correct one has been uploaded. We beg an excuse with our dear readers.

Click on the image to enlarge it.

Click here for the complete fixture.

Thank you.

बेलायती महारानीले मनाइन आफ्नो गद्दी आरोहणको साठी बर्ष

British Queen Celebrated Diamond Jubilee
बेलायती महारानीले मनाइन आफ्नो गद्दी आरोहणको साठी बर्ष

बेलायत कि महारानी एलिजाबेत II ले आज आफ्नो गद्दी आरोहणको साठी बर्ष पुगेको अवसरमा लण्डनमा विभिन्न ताम झामका साथ यो दिनलाई एक एतिहासिक दिन बनाउने कोसिस गरिएको छ | यो समारोहलाई संसारकै केन्द्रबिन्दु बनाउने गरि प्रचार गरिएको थियो | के के भयो त उक्त समारोहमा, आउनुहोस् बिबिसीको अधिकारिक वेब पेजबाट लिइएको केही तस्विरहरु |

यू के बाट "गाउँमा किताव" [Book For Village] अभियानको लागि रू. ७२,५९७ [£ 534.59] संकलन

यू के बाट "गाउँमा किताव" [Book For Village] अभियानको लागि रू. ७२,५९७ [£ 534.59] संकलन

This post was taken from www.nawangchophel.com
Chick here to view original source.
This post has been added here to spread this campaign [Book for Village] 

सामाजिक संजाल बाट शुरु भएको एक बिशुद्द स्वंयमसेवी अभियान "गाउँमा किताव" [Book for Village] अभियान, नेपाल को लागि अहिले सम्म यू के बाट रू. ७२,५९७ [£५३४.५९] जम्मा गरि नेपालका अभियानकर्मीहरुलाई हस्तान्तरण गरि सकेको कुरा सबैलाई जानकारी गराउन चाहन्छु । यहि गत शनिवार १२ मे, २०१२ को दिन आइ. एम. इ. मार्फत नेपाल पैशा पठाएको र विनिमय दर १३५.८० रहेको थियो । पहिलो चरणमा गाउँमा किताव अभियान अन्तर्गत सुर्योदय मावि सरिखेत, मकवानपुर, मेहन्द्र निम्न माध्यमिक विधालय बबियाबिर्ता मंगलबारे, मोरङ, सिद्देश्वोर उच्च माध्यमिक विधालय नलाङ, धादिङ र नेपाल राष्ट्रीय सामुदायिक उच्च माध्यमिक विधालय जर्बुटा, सुर्खेत गरि जम्मा ४ वटा विधालयहरुमा पुस्तकालय स्थापना गर्ने निर्णय भएको छ । यू के बाट मलाई बिश्वास गरि सहयोग गर्नु हुने सम्पूर्ण साथी र महानुभावहरुलाई धेरै धेरै धन्यवाद । नेपाल बाट गाउँमा किताव अभियानको प्रगति विवरण प्राप्त गरि तपाईहरु सबैलाई जानकारी गराउने नै छु ।  

नेपालमा रहनु भएका अभियानकर्मीहरुले तिब्र रुपमा धेरै भन्दा धेरै कितावहरु संकलन गरि रहनु भएको छ ।  हामी देश बिदेशमा रहेका सबैले आफ्नो फुर्सदको समयलाई मात्र यस अभियानको लागि सदुपयोग गर्न सकियो भने यस अभियानले बृहत रुप लिने छ र विभिन्न गाउँमा रहेक हजारौ बाल बच्चाहरुको भबिष्य उज्जल हुनेछ ।

नेपाल बाट यस गाउँमा किताव अभियानलाई शुरुवात गरि सफल पार्नको लागि मिहेनत गरि रहनु भएका मित्रहरु प्रकाश लामिछाने (बाबाजी), बिष्णु खत्री (बिष्णु दाई), बिनय गुरागाई (बिनय शेखर), हरि न्यौपाने (काका बा), सुधा सुबेदी, उर्मिला थपलिया, मुना चापागाईं, जनक राज नेपाली, इश्वोर काफ्ले, अनन्त कोईराला साथै अन्य प्रत्यक्ष अप्रत्यक्ष रुपमा सहयोग गर्नु हुने सबै साथीहरुलाई मुरी मुरी धन्यवाद । 

एउटा सर्ट मुभीको चर्चा

एउटा सर्ट मुभीको चर्चा

आइरिस लेखक रुड्डी दोय्लेको कथामा स्टेफ ग्रीनले निर्देशन गरेको एउटा कालो बर्णको बच्चाको कथा हो, न्यु व्वाइ | २००९ को अन्त्यतिर तयार भएको यो चलचित्र यु ट्युबमा निशुल्क उपलब्ध छ | यो सामग्री तयार पार्दासम्म यु ट्युबमा १८ लाख २८ हजार भन्दा बढी पटक हेरिसकिएको छ | हामी मध्ये धेरैले पनि यो चलचित्र पहिले नै हेरिसकेका हुन सक्छौ तर हामी मध्ये धेरैले अहिलेसम्म नहेरेका पनि हुन सक्छौ | मेरो व्यक्तिगत कुरा गर्नुपर्दा मैले झन्डै एक बर्ष पहिले यो चलचित्र हेरेको थिए तर आजसम्म पनि यो चलचित्रका दृश्यहरु मनमा स्पष्ट छन् | चलचित्रको जोसेफको शिर्ष भूमिका निर्बाह गर्ने ओलुतुंजी कोलको अभिनय जीवन्त छ | जोसेफको शिर्ष भूमिकामा कसरी छनोट गरियो भन्ने सन्दर्भमा निर्देशक ग्रीन येसो भन्छिन 

 Q.The young actor who plays Joseph, we don't really hear him talk very much and he has a very expressive face. I was curious how you went about finding him.

सन्दर्भ विश्वावसु (कविता); यदुनाथ सरल

सन्दर्भ विश्वावसु

लम्जुंग दुराडाँडाका अग्रज कवि यदुनाथ सरलको कविता आजको ब्लग सामग्रीका रुपमा सविनय पेश गरे, यो कविता कवि सरलका सुपुत्र बेदराज ढुंगानाको 'फेसबुक वाल'बाट लिइएको हो |

आयो यो नववर्ष शान्ति सुखको सन्देशले शोभित

ल्याई ती अब आउने दिन बनून् सर्वत्र आनन्दित

यी प्राणी र वनस्पती प्रकृतिको वात्सल्य पाएपछि 

यो विश्वावसु नै सुखावह बनोस् वैशाख लागेपछि ।

पाखा पर्वत खेत चौर हरिया विस्तीर्ण बेसीतिर

मिल्दो भै जलवायु मौसम तथा ती खेतबारीतिर

उब्जा उन्नत शश्य श्यामल बन्यो धर्ती रसाएपछि

यो विश्वावसु होस् सदैव रसिलो वैशाख लागेपछि ।

आआँफै अनुशासन प्रिय बनून् यी देशवासी सबै

पीडा आतुरता र शोक नपरोस् निर्धक्क बाँचून् सबै

चाहन्थ्यौँ अनुकूल तन्त्र सबमा सद्भाव फैलेपछि

यो विश्वावसु बस्छ वर्षभर नै वैशाख लागेपछि ।

अनौठो यात्रा, अनौठो उडान (कविता); अजय ढुंगाना

अनौठो यात्रा, अनौठो उडान

एउटा अनौठो यात्रा,
एउटा अनौठो उडान,
जिन्दगीका कर्कश रेखाहरु,
सधै कर्कशिला नहुदा रहेछन,
त्यसैले त एउटा अनौठो यात्रा,
अनौठो उडान |

शुभ प्रभात,
रंगको लालिमा,
फुस्स उड्दा,
तिमी गजल कोर्छौ,
प्रडायामका महत्व सम्झन्छौ,
म त्यहि बिहान,
बेलुकीको बाँकी ह्विस्की,
तुन्क्याउछु,
कफीका बट्टाहरु,
किचनका अल्मारीबाट,
गलल्ल हाँस्छन,
म अनौठो यात्राको,
उडानको प्रतिक्षामा छु |

प्रश्नहरु जन्मिन्छन बिना सम्भोग नै

प्रश्नहरु जन्मिन्छन बिना सम्भोग नै 

म प्रश्नहरु माथि त्यति धरै निरंकुश हुन्न, प्राय प्रश्नहरुलाई निर्बाद रुपमा जन्मन दिन्छु | 

संयोग अचम्मको परेको थियो, प्राय यस्ता अवस्थाहरु अचम्म दयाक हुन्छन र त् संयोग भनिन्छन, जे होस् यो पटक मैले उत्तर भेटे पश्चात प्रश्न जन्मिएको थियो, यो प्रश्नले आफ्नो अस्थित्व हैसियत कुन रुपमा राख्छ, त्यो उ आफै जानोस, मलाई भने प्रश्नको अवतरण देखेर दया लागेर आएको थियो | 

घडीका सुइलाई एक फन्का घुमाएर म एकै पटक बाल्यकालमा पुग्दछु; मेरो बाल्यकाल जसले मसंग अनेकौ स्मृतिहरु सजाएको छ, जुन मेरो मस्तिष्कको एउटा कुनामा सधै जीवित भएर बाँचीरहेको छ हो त्यही बचपनमा पुग्छु म | चितवनको एउटा सानो गाउँको सानो चौघेरा भित्र सुन्दर सजिएको थियो त्यो | भद्दा सजिएको होइन, चरम अभावको खडेरीमा अल्झिएको होइन, बीच मै कतै, केही पाए जस्तो, केही पाउन अझै बाँकी जस्तो पनि |

'चौकैठ' नाघिन्, तर यात्रा रोकियो

रन्जु झा लगायत कथित जनकपुर बम काण्डमा जीवन गुमाउने सम्पूर्णको आत्माको चिर शान्तिको कामना

तल प्रस्तुत लेख नागरिक दैनिकको अनलाइन संस्करणबाट लिइएको हो |

देशविदेशका फिल्म फेस्टिभलहरूमा रुचाइएको छोटो फिल्म 'चौकैठ'मा मुख्य भूमिका निर्वाह गर्ने अभिनेत्री रञ्जु झाले उतारेका विम्बहरू अब फिल्मको पर्दामा सीमित भएको छ। जनकपुरको रामानन्द चोकमा सोमबार बम विष्फोटमा अन्य तीनसहित रञ्जुले मृत्युवरण गरिन्। फिल्म 'चौकैठ'मा पुरुषप्रधान समाजले निर्धारण गरिदिएको घेरालाई नाघ्दै प्रतीकात्मक विद्रोह गर्ने नारीको रूपमा देखिएकी रञ्जुको विम्ब वास्तविक जीवनमा पनि त्यस्तै थियो।  

'मिथिला समाजमा घुम्टोदेखि बाहिर निस्किएर ठाउँठाउँ नाटक देखाउँदै हिँड्न एउटी महिलालाई सजिलो छैन,' प्राज्ञ रंगकर्मी रमेशरञ्जन झाले भने, 'त्यसैले उनी मिथिला समाजमा बोल्ड नारीको रूपमा चिनिँदैथिइन्।'

रञ्जुको असामयिक निधनको खबर प्राप्त हुने बित्तिकै काठमाडौंमा रहेका रंगकर्मीहरूले थापाथलीस्थित शिल्पी थियटरको हलमा सोमबार साँझ शोक प्रकट गरे। विष्फोटको बेला अरू रंगकर्मी र स्थानीय संस्कृतिकर्मीसहित धर्नामा बसेकी थिइन् रञ्जु। 

गजल (राजेश कार्की)

अभिनव.कमका लागि अमेरिकाको लस् एन्जलसबाट इआर. राजेश कार्कीज्यूले पठाउनु भएको गजल आजको ब्लगको सामाग्री, गजलका लागि राजेशज्यूलाई हार्दिक धन्यबाद 

गजल

सधैँ सधैँ भुलाउने बातैमा तिमीले
जानी जानी छोइदिने हातैमा तिमीले

सँगै सँगै हिँडदा पानी परे सिमसिम
नजिक नजिक टसाउने छातैमा तिमीले

कहिले माया पिएर कहिले पिलाएर
डुबाउने त्यो हेराइको मातैमा तिमीले

छोराको प्रश्न (कविता); अजय ढुंगाना

छोराको प्रश्न

(जातीय संघियता बिरुद्धको कविता)

राति सपनीमा,
मेरो नजन्मिएको छोरा आयो,
अनि भन्यो,
एउटा प्रश्न सोधौ बा,
म मुस्कुराए,
अलिकति डराए,
तैपनि डर लुकाए,
अनि भने,
हुन्छ छोरा |

उसको कोमल अनुहार,
गम्भीर थियो,
केही मागिरहे जस्तो,
केही नभेटे जस्तो,
ओहो! कस्तो अपत्यारिलो |
उसले सोध्यो,
बा मेरो राज्य कुन हो?
म झस्किए, उसको प्रश्नले |
किन छोरा?
मैले प्रतिप्रश्न गरे,
मैले प्रश्न हैन,
जवाफ मागेको बा,
बालहठका आगाडि,
म नतमस्तक भए,
तैपनि जवाफ बिहिन रहे |